About

Behn Bhai. Ek hi Maqsad. Behtreen websites

mera maqsad, soch aur goal

2022 mein me ne website development lahore ke ek software house se seekhi thi magr zayada tar youtube ke lectures aur dusri kafi websites se seekha tha,phir usi company ke sath 2 saal kaam kiy, jab mein expert ho gya tou apna sara kaam apni sister ko bhi sikha diya, wo designing mein achi hai aur mein zara technical kaam mein acha hun😅 lekin mehnat se achi website bana lete hein.

Ideal Web Developer ye soch kr bana ha ke modern zabardast websites ke liye kyi months intazaar aur lakhon rupey kharch krny ki koi zaroorat nahi hai. Hum hein Asmad aur Noor, behn bhai, jin ka mission hai businesses ke liye kuch din mein lajawab website banana.

kyi saal HTML/CSS/JS, WordPress, WooCommerce, aur dusri modern technologies ke sath kaam kr ke, hum achi website kam waqt mein aur behtr tareeqy se bana sakty hein.

Me janta hun ke clients ko hamesha website se pehly ek mahanga design nahi chahiye hota, jab design un ke paas pehle se ho koi reference website ho ya koi khayali website ho, wo sirf kisi ki talash mein hoty hein jo un ke khawab(ya koi design jo un ko pasand ho) ko haqeeqat mein dhaal de

Aur isi liye hum apni “design, build and launch” approach ke sath aye hein. Hum ek design use krty hein, website banaty hein or deliver krty hein. Lambhi chori meetings nahi, seedhi aur khari baat, aur zayada kaam. Aur kyunki hum two-person teamhein , hum apne clients ko wo tawajjo dete hein jo agencies nahi de skti.

Mein hi kyun?

Khud dekh len

Precision

Behtareen design aur lagan se kaam har project ke liye

Speed

Mein jaldi kaam krta hun lekin quality achi. Deadlines ka ehtaraam

Passion

.Me jo krta hun dil se krta hun aur ye mere kaam se zahir hoga

Partnership

Apki jeet meri jeet, Hum saath saath hein bhai.

Apka anokha faida

koi Teesra banda nhi

Aap direct developers se baat krty hein: koi account manager nhi, koi ghalat bayani nahi, koi der nahi, mein ap ki raye sunta hun aur us pr amal krta hun

Qiston mein payment

Qist mein payments. koi khufiya charges nahi. jese jese ap ki website phase complete aur approve hoti hai, ap pay krty hein. Aur agar ap kisi stage pr razi na hon tou mein usko fix krun ga us ke baad hi aagy karun ga

Apni marzi se banwao

agar ap ko koi design ya website pasand hai ya koi acha idea aata hai tou ap mujhy bata skty hein mein usko haqeeqat karun ga. Flexibility ka matlab hai ap ko wohi mily ga jo ap chahty hein

Jaldi kaam

zayada tar projects 1 se 3 hafty mein ban jati hein. Mujhy ap ke waqt aur Business goals ki qadar hai. agar ap is se bhi jldi delivery chahty hein tou uske alag charges hein.